आखिर मलाई किन रोज्थेउ र?

आखिर मलाई किन रोज्थेउ र?

म परे वर्तमानमा जिउने मान्छे,

तिमीलाई चाहिने भविष्य सोच्ने,

आखिर मलाई किन रोज्थेउ र?

म परे वर्तमानको ठेगान नभएको मान्छे,

तिमीलाई चाहिने भविष्य सुध्रिद र सुखी भएको,

आखिर मलाई किन रोज्थेउ र?

म परे बैरागी जीवन बिताउने,

तिमीलाई चाहिने चिटिक्क परेको,

आखिर मलाई किन रोज्थेउ र?

म परे १०० रुपैयामा बिहे गरुम भन्ने,

तिमिलाई विलासी, देखावटी पारामा गर्नुपर्ने,

आखिर मलाई किन रोज्थेउ र?

म परे मुटुको सुन्ने,

तिमि परेउ दिमागले सोच्ने,

आखिर मलाई किन रोज्थेउ र?

म परे भावुक भएर टिच फर नेपाल छिरेको मान्छे,

तिमीलाई चाहिने टन्न गाठ कमाउने,

आखिर मलाई किन रोज्थेउ र?

म परे, नेपालकै लागि गर्छु भन्ने पागल,

तिमीलाई चाहिने हरियो कार्ड बोकेर हिड्ने,

आखिर मलाई किन रोज्थेउ र?

विलासी जीवन दिन त सक्थिन,

तर खुसि जीवन अवस्य दिन्थे,

तर किन रोज्थेउ र?

चिल्लो गाडी र महल घर दिन त सक्थिन,

तर माया कोहिभन्दा कम गर्ने थिईन,

तर किन रोज्थेउ र?

तर होइन...

गल्ति तिम्रो पनि त हैन,

बैरागी, पागल, मुडी मान्छे कसलाई न मनपर्छ र,

मायाको भरमा जिन्दगि बाच्छु भन्नेको भर पर्न कसरि सकिन्छ र,

आखिर मायाले खान र लाउन पुग्ने त हैन!

जे गरेउ, ठिक गरेउ,

तेही सोचेउ जो सबले सोच्छन,

तेही गरेउ जो सबले गर्छन...

आखिर मलाई किन रोज्नु र?